უცნობი იაპონური ჰორორ თამაშები #2

ბუნდოვანი ვიდეო თამაშები ყოველთვის საინტერესოა, მითუმეტეს თუ ძალიან სპეციფიური ტექნოლოგიებით არის შექმნილი, ამ პოსტში მინდა შემოგთავაზოთ რამოდენიმე ეგეთი თამაში. ყველა ერთი პიროვნების მიერ შექმნილი.

640px-KenjiEnoJI2

Kenji Eno, 2007

Kenji Eno დაიბადა ტოკიოში, 1970 წელს.  იყო მუსიკოსი და პროგრამისტი. ბავშვობიდანვე ვიდეო თამაშებით იყო გატაცებული. 90–იანებში მან ვიდეო თამაშების კომპანია სახელად “WARP” დაარსა და რამოდენიმე Survival Horror შედევრი შექმნა. Horror თამაშების გარდა ის ცნობილი იყო თავისი მუსიკალური თამაშებით, მათ შორის ყველაზე ცნობილი “Real Sound: Kaze no Regret”.

 


1. D 

36750-d_disc1of3-1497896827

PSOne ყდა

1997 წელი. ღამე, ლოს ანჯელესის ერთერთ საავადმყოფოში მასობრივი მკვლელობა მოხდა, მკვლელი კი თვით საავადმყოფოს დირექტორია, სახელად “რიტჩერ ჰარისი”. ის ამერიკის ერთერთი ყველაზე ცნობილი ექიმია. ჩუმი და მშვიდი ექიმი უცებ მკვლელად გადაიქცა. პოლიცია საავადმყოფოში ვერ შედის. მისმა ქალიშვილმა, ლაურამ ეს ამბავი რომ გაიგო, მაშინვე ლოს ანჯელესში ჩავიდა და საავადმყოფოში შეუშვებენ რომ მამამისის მოტივები გაიგოს . საბოლოოდ ის აღმოაჩენს მამამისის ბინძურ საიდუმლოს.

თამაშის დაწყებისას როდესაც საავადმყოფოში შედიხარ, შენს წინ პორტალი გაიხსნება და გადაინაცვლები შუა–საუკუნოვან სასახლეში, საიდანაც იწყება თამაში.

მთელი თამაშის განმავლობაში შენ აკონტროლებ ლაურა ჰარრისს, 3D გარემოში. თამაში შეიცავს სათავგადასავლო ელემენტებს, კარგათ და ლამაზად შექმნილ ჰორორ ატმოსფერულ გარემოში იკვლევ გზას.  თვით თამაშის მთლიანი გამოცემა 3 დისკისგან შედგებოდა, იმიტომ რომ მასიური 3D გრაფიკების და Cut Scene–ების რაოდენობის გამო 1 დისკზე არ თავსდებოდა რაც უჩვეულო იყო იმ დროისათვის.  ისე თამაშობ თითქოს ფილმში იმყოფები, მხოლოდ შეზღუდული პირადი ინვეტორი და შენახვის პუნქტებია ჩაშენებული. ასევე აღსანიშნავია რომ თამაში 2 საათის განმავლობაში თუ ვერ დაასრულე, აუტომატურად Game Over–ს გიწერს და თავიდან მოგიწევს დაწყება. მარტივი Puzzle–ებია, ანუ პირველ ჯერზე თამაშის დახურვა არ გაგიჭირდება. D არის კარგათ შექმნილი ინტერაქტიული ფილმი, ძალიან ნელი Gameplay, ბნელი გარემო და მუსიკა, ძალიან ინტენსიურ ატმოსფეროს ჰქმნის.

d1-11

თამაშის სიუჟეტი სავსეა ოკულტიზმით. ძალადობის და კანიბალიზმის ამსახველი გრაფიკული კადრებით. თამაშს დადებითად შეხვდნენ, ყველაზე მეტად დააფასეს თამაშის სიუჟეტი და FMV გრაფიკა. მილიონზე მეტი დისკი გაიყიდა და 3DO კონსოლზე ერთერთ საუკეთესო თამაშად აღიარეს. ასევე გამოვიდა PS1 და Sega Saturn–ზე.

ეს ტრილოგიის პირველი ნაწილია და ერთადერთი რომელიც Playstation–ზე გამოვიდა. PS1–ზე დაბეჭდილი თამაშების რაოდენობა არ ემთხვეოდა წინასწარ შეკვეთებს [100 ათასი წინასწარ შეკვეთები და 28 ათასი დაბეჭდილი თამაში], რის გამოც Kenji სონიზე ნაწყენი დარჩა და შემდგომი თამაშები მხოლოდ Sega–ს კონსოლებზე გამოუშვა. ისეთი ნაწყენი იყო, როცა სონის პრესკომფერენციაზე, შემდეგი თამაშის, Enemy Zero–ს თრეილერი აჩვენა, თრეილერის ბოლოში სონის ლოგო გაამუქა და სეგას ლოგო ჩასვა მის მაგივრად.

 

 


2. Enemy Zero 

4974365091323

იაპონური ყდა

ასევე ცნობილი როგორც E0

Enemy Zero ფრენჩაიზის მეორე ნაწილია, აქ ისევ, ვირტუალურ მსახიობ “ლაურა ლიუის” თამაშობ. წინა თამაშისგან განსხვავებით ეს უფრო ტრადიციული Survival Horror–ია, როგორც წინა თამაში, აქაც FMV სცენებია გამოყენებული და მთლიანი თამაში 4 დისკისგან შედგება.

წინა თამაშსთან არანაირი კავშირი არ აქვს, აქ მოქმედება კოსმოსურ შატლში ხდება, შენ კრიოგენური ძილის შემდეგ იღვიძებ მაგრამ ამნეზიის გამო არაფერი არ გახსოვს, შემდგომ აღმოაჩენ რომ შატლის მგზავრებისგან მხოლოდ გვამებიღა დარჩა. შენი დავალებაა რომ იპოვო გადარჩენილი მგზავრები. ამ თამაშში პირველად ვხედავთ კენჯის მეორე ვირტუალურ მსახიობს, “კიმბერლის” რომელიც შემდგომ D2–ში გამოჩნდება.

თამაში ცნობილია თავისი სირთულით, შენ გაქ ერთი ლაზერული იარაღი და ერთხელ გასროლის შემდეგ დრო სჭირდება რომ დაიტენოს, ისიც დავუმატოთ რომ მტრები უხილავები არიან, ამიტომ ლაურას ყურზე სპეციალური რადარი უყენია რომლითაც ამოუცნობი არსებების მოძრაობა ესმის და ზუსტად უნდა გამოთვალო თუ როდის უნდა ესროლო, თუ ადრე გაისვრი, უხილავი არსება რათქმაუნდა მოგკლავს და თამაშის თავიდან დაწყება მოგიწევს. მაგრამ კარგი ის არის რომ თამაშს Training Mode აქვს, ანუ შეგიძლია სროლაში ივარჯიშო. როგორც უკვე მიხვდით, თამაშის იდეა მთლიანად ფილმების ტრილოგიიდან “უცხო”დან აქვს ამოღებული.

Enemy Zero–ს დადებითად შეხვდნენ, ცალკე აღსანიშნავია საუნდტრეკი, რომელიც ინგლისელმა კომპოზიტორმა Michael Nyman–მა დაწერა. კენჯიმ ინტერვიუში მოყვა თუ როგორ გაიცნო მაიკლი და მოესაუბრა. კენჯი, მაიკლის კომპოზიციების დიდი მოყვარული იყო და როცა მან გაიგო რომ ის იაპონიაში ჩამოვიდა, თავის სახლში დაპატიჟა და შესთავაზა რომ თამაშის კომპოზიციაზე ემუშავა, მაიკლმა უარი განაცხადა მაგრამ კენჯი ძალიან ჯიუტი აღმოჩნდა, რის გამოც საუბარი 6 საათი გრძელდებოდა, ბოლოს მაიკლმა დაუყვირა “კარგი კარგი! გავაკეთებ, უბრალოდ დამანებე!”.

 


3. D2

d2_1024x1024

ფრენჩაიზის ბოლო ნაწილი. გამოვიდა Sega Dreamcast–ზე 1999 წელს იაპონიაში, და 2000 წელს ჩრდილოეთ ამერიკაში.

აქ როგორც ყოველთვის,  ვირტუალურ მსახიობ, ლაურას თამაშობ. თამაში იწყება თვითფრინავში, სადაც გაიცნობ თამაშის მეორე პერსონაჟს, “დევიდს”. შემდეგ, უცნაური კულტის წევრები თვითფრინავის პილოტებს მოკლავენ და ხალხს მძევლებად აიყვანენ და ამ დროს  უეცრად “მეტეორიტების წვიმა” დაიწყება და თვითფრინავს ჩამოაგდებს. ლაურა ძველ ხის სახლში გაიღვიძებს, წარმოდგენა არ აქვს რა მოხდა. ცოტახანში, მესამე პერსონაჟი, კიმბერლი შემოვა რომელიც ასევე იმ თვითფრინავში იჯდა.

შენ, კიმბერლი და დევიდი ერთად ცდილობთ თავი გადაირჩინოთ, კანადის მთიან რეგიონში. როგორც წინა თამასში, აქაც უცხოპლანეტური არსებებიც არსებობენ ბრძოლა გიწევს.

თავდაპირველად, თამაშის გამოშვება იგეგმებოდა Panasonic M2–ზე, თავიდან სულ სხვანაირი სიუჟეტი ჰქონდა და როგორც პირველი D, FMV თამაში უნდა ყოფილიყო. თამაშის 50 პროცენტი დასრულებული იყო როდესაც პანასონიკმა ოფიციალურად განაცხადა რომ კონსოლის გამოშვებას აღარ აპორებდნენ. კენჯიმ თამაშის კონცეპტი მიატოვა და ძველ მეგობარს Sega–ს დაუკავშირდა, სადაც სულ ახალი იდეებითა და სიუჟეტით,  გამოვიდა D2.

 

D იყო კენჯის ყველაზე მნიშვნელოვანი პროექტი, ამით ის ცნობილი გახდა.

2008–2009 წლებში, კენჯიმ რამოდენიმე მუსიკალური თამაშები გამოუშვა iPhone და Wii–ზე.

Kenji Eno გარდაიცვალა 2013 წლის თებერვალს, 42 წლის ასაკში.

 

Advertisements

უცნობი იაპონური ჰორორ თამაშები #1

სუყველას გილოცავთ ჰელოუინს!.

იაპონია ძალიან საინტერესო ქვეყანაა, ოთხმოციანი წლებიდან ვიდეო თამაშების ინდუსტრიაში დომინირებს,  90იან წლებიდან, ახალმა ტექნოლოგიებმა საშუალება მისცეს დეველოპერებს რომ უფრო მრავალფეროვანი თამაშები შეექმნათ, ამას ასევე დავუმატოთ კონსოლების მრავალფეროვნება რაც იმ დროს არსებობდა. ოთხმოცდაათიანებში ჰორორ თამაშების ბუმი იყო, Alone in the Dark და Resident Evil –მა მსოფლიო პოპულარობა მოიპოვა. მაგრამ ეს ჯერ არაფერია იმასთან შედარებით რაც კატალოგის ბნელ კუნჭულში იმალება, ძალიან სპეციფიური და საინტერესო შედევრები.


Iru! / ირუ!

coverfront ზუსტად ვერ თარგმნი ამის სახელს, შეგიძლია დაუძახო “ის!” ან “რაღაცა!” მაგრამ მე მირჩევნია ორიგინალური სახელით მივმართო. მოკლედ, ესეც მორიგი Survival Horror მცდელობაა, გამოვიდა 1998 წელს, PS1–ზე. არც ისე ცნობილი კომპანიისგან, სახელად “Takara”. შენ თამაშობ სკოლის მოსწავლეს, რომელიც სხვა სტუდენტებსა და მასწავლებელთან ერთად ღამე მუშაობ სკოლის ფესტივალისთვის, მაგრამ აღმოაჩენთ რომ სკოლა ჩაკეტილია და ვერსად ვერ წახვალთ  და მალევე პირველი მოსწავლის გვამს იპოვით.  შენი დავალებაა, დანარჩენები გადაარჩინო და სკოლიდან გააღწიოთ.

თამაში 1St Person სტილშია,  სიუჟეტი წინ გაგყავს სხვადასხვა პერსონაჟებთან საუბრისას, ასევე სხვადასხვა ნივთები ინვენტარში უნდა შეინახო, ეგენიც ძალიან აუცილებელია. თამაშს საკმაოდ ორიგინალური “სიკვდილის სცენები” აქვს.

თამაში მხოლოდ იაპონიაში გამოვიდა მაგრამ ინგლისური Patch  არსებობს.


Nanashi no Game / უსახელო თამაში

71xc6pn2i-l-_sx342_Nanashi no Game არის Survival Horror თამაში, გამოვიდა 2008 წელს, Nintendo DS–ზე. სიუჟეტი გვიყვება დაწყევლილ ვიდეო თამაშზე, ლეგენდის მიხედვით ვინც მას ითამაშებს და 1 კვირის განმავლობაში ვერ დაამთავრებს, ის კვდება. შენ თამაშობ სტუდენტს, რომელიც ამ თამაშს აღმოაჩენს და საბედისწეროთ, დაიწყებ მაგის თამაშს. შემდგომ აღმოაჩენ რომ შენ მეგობრებსაც მიუვიდათ ეს თამაში და სასტიკი ბედი ეწიათ.

თამაშს აქვს 2 რეჟიმი, პირველი არის 3D რეჟიმი, რომლითაც რეალურ სამყაროში მოძრაობ და იკვლევ გზას. ხოლო მეორე რეჟიმზე თვით დაწყევლილ თამაში იმყოფები.  ყველაზე საინტერესო ის არის რომ შენ თვით დეველოპერს თამაშობ და დაწყევლილი თამაშის რეჟიმი 8 Bit RPG სტილშია.

თამაშის სიუჟეტი ძალიან სტანდარტულია იაპონური ჰორორისთვის, ცნობილი ფილმები “The ring” და “Ju-on: The Grudge” იგივე სიუჟეტს და ატმოსფეროს გვთავაზობენ, სადაც საქმე გვაქ წყევლასთან რომელიც ტექნოლგიასთანაა დაკავშირებული.

თამაშს 2 გაგრძელება აქვს, 2009 წელს გამოსული Nanashi no Game: Me, ეგეც DS–ზე. და 2011 Nanashi no Appli, iOS და ანდროიდისთვის.

nanashi-no-game-the-rumor

nanashi_no_game_-_gameplay_-_exploration


Insmouse no Yakata / ინსმუთის სასახლე

x6tibufmy56sbjr0ehud_umv3sg0rjxkgyvlhikh-qqეს ერთადერთი Survival Horror თამაშია რაც Virtual Boy–ზე გამოსულა. Virtual Boy, კომპანია Nintendo–ს ყველაზე წარუმატებელი “ჰიბრიდული კონსოლი” იყო. ასე ვთქვათ, პირველი მცდელობა იყო რომ 3D კონსოლი შეექმნათ მაგრამ უფრო თავის ტკივილებს უქმნიდა მომხმარებელს ვიდრე სიამოვნება.

მოკლედ!, ინსმუთის სასახლე, იყო ინსპირირებული ამერიკელი მწერლის, “ჰოვარდ ფილიპს ლავკრაფტის” ნაწარმოება “ჩრდილი ინსმუთის” მიერ. ოღონდ აქ უნდა გავითვალისწინოთ რომ იდეა აიღეს იაპონური ფილმიდან რომელიც ნაწარმოების მიხედვით იყო გადაღებული, სახელად “Innsmouth Wo Oou Kage”. ნაწარმოებაში შენ მოგზაურობ იზოლირებულ და ძალიან უცნაურ საპორტო ქალაქში სახელიდ ინსმუთი, იქაური ხალხი უცნაური კულტის მიმდევრები არიან. ინსმუთის სასახლეში შენ იმყოფები “სასახლეში” [გასაკვირი არ არის] სადაც ადამიანისა და თევზის ჰიბრიდი არსებები მოგსდევენ.

giphy2

innsmouth20no20yakata-2


Saishuu Densha / ბოლო მატარებელი

400full-the-last-train-(saishuu-densha)-cover

ასევე ცნობილი როგორც The Last Train (Saishuu Densha). ეს თამაში ნამდვილი იშვიათობაა. მთავარი პერსონაჟი გვიან ღამე, მეტროში ბოლო მატარებლის გაჩერებას დაესწრება, და მანდ ქალს გაიცნობს. შემდგომ მიხვდებიან რომ მატარებელი არ ჩერდება და ყველაფერი ჩაკეტილია, მათ შეძლეს შემდეგ ვაგონში გადასვლა და იატაკზე უცნაურ სითხეს იპოვიან. მერე აღმოაჩენენ რომ ეს სითხე უცნაური არსებების ფორმას იღებს და აგრესიულადაა განწყობილი, წინა ვაგონში დაბრუნდებიან და უკვე გადარჩენაზე ფიქრობენ.

თამაში არის Sound Novel, ნაწარმოებაა სავსე აუდიო დიალოგებით და გადაწყვეტილების მიღების დროს რამოდენიმე ვარიანტს გაძლევს ეკრანზე და შენ ერთერთს ირჩევ, თითო გადაწყვეტილება დასასრულზე გავლენას ახდენს.

ss4

ss8

s-l1600

 

უფრო მეტი? რეტროპანკ რუბრიკა

Silent Hill – უკვდავი შედევრი

Silent_Hill_Heroes

მოკლედ….დიდი ხანი ვფიქრობდი შემდეგი სტატია რაზე დამეწერა, რამოდენიმე იდეა მქონდა მაგრამ შემდგომ ეგ იდეები მოვიშორე იმიტომ რომ ერთი და იგივე თემის დატრიალება ვფიქრობ მოსაწყენი იქნებოდა, ხოდა ახლა გარეთ ოქტომბერია და ინტერნეტი halloween–ის თემატიკით გაივსო, მეც გადავწყვიტე რომ რამე მსგავსი დამეწერა.
ჰორორ ვიდეო თამაშების მოყვარულებს ალბათ გსმენიათ (რა თქმა უნდა, გსმენიათ) Silent hill–ზე? მისტიური და ნისლით დაფარულ ქალაქზე, რომელიც სულში გიყურებს და ყველაზე ღრმა და მტკივნეული მოგონებები შენს თვალწინ მატერიალურ სამყაროში ისახება,  Silent Hill საშინელებათა ხელოვნების ნიმუშად ითვლება, ოფიციალურად 8 თამაში გამოვიდა და რამოდენიმე მობილური Spin-offები, ასევე კომიქსები და ფილმები. პირველი 4 თამაში, გუნდმა სახელად “Team Silent”–მა შექმნა, ამას იმიტომ ვამბობ რომ პირველი 4 ითვლება საუკეთესო თამაშებად, დანარჩენი სხვადასხვა კომპანიებმა შექმნეს. შემდგომ ამ “სხვადასხვა” კომპანიებმა და წარუმატებელმა ფილმებმა Silent Hill–ი ცოცხლად დამარხა. Silent Hillი, კომპანია Konami–ს მიერ შექმნილი შედევრია მაგრამ 4ე თამაშის მერე Team Silent–ი დაშალეს და იაფასიან დასავლურ კომპანიებს დაავალეს მომავალი თამაშების შესაქმნელად, ბოლო თამაში 2012 წელს, ჩეხურმა კომპანიამ Vatra–მ გამოუშვა და ისეთი წარუმატებელი აღმოჩნდა, თვით კომპანია გამოშვებისას რამოდენიმე თვეში დაიხურა. 2014 წელს “Hideo Kojima” გეგმავდა თამაშის “გაცოცხლებას” და მშვენიერი დემო გვაჩუქა სახელად “P.T”, მაგრამ ეგ “გაურკვეველი მიზეზების გამო” გააუქმეს. Silent Hill დღემდე აქტუალური თემაა და მილიონობით ფანები დღემდე ოცნებობენ ახალ და რაც მთავარია ნამდვილ Silent Hill–ზე.

სიმართლე რომ გითხრათ, თავიდან მინდოდა Siren–ის ტრილოგიაზე დამეწერა, რადგან Silent Hill–თან მიახლოებულია, მაგრამ იმით განსხვავებული რომ ნაკლებად “მეინსტრიმულია”, თან მაგ ტრილოგიის შემქნელი, “Keiichiro Toyama”, პირველი SH თამაშის დიზაინერი იყო… მაგრამ გადავდებ.

მოკლედ, მოდი ახლა მივხედოთ საილენთ ჰილს.


f93f6f7dca541dcac1b15c4b3cf9593c

5929-silent-hill-playstation-front-cover

თამაშის ყდა

Silent Hill გამოვიდა 1999 წელს, Playstation–ზე.

თამაშის სიუჟეტი გამოგონილ ამერიკულ ქალაქ საილენთ ჰილში ვითარდება, სადაც თამაშის გმირი ჰარი მეისონი თავის ქალიშვილ შერილს დაეძებს. შერილის წარმომავლობის შესახებ სიმართლეს იგი მას შემდეგ შეიტყობს, რაც მას ფანატიკოსთა კულტ ორდერთან მოუწევს დაპირისპირება, რომელიც თავისი ღმერთის გაცოცხლებას შეეცდება. 

ჰარი მეისონი და მისი შვილობილი შერილი დასასვენებლად საილენთ ჰილში წავლენ. მოულოდნელად, მათ გზაზე გოგონა გადაეღობება. ჰარი მანქანას მოასრიალებს და ავარიაში მოყვება, გონს მოსული კი აღმოაჩენს, რომ შერილი გაუჩინარდა.

90–იანი წლები, Survival Horror–ის ოქროს ხანად ითვლება, Resident Evil–ი ამ ჟანრის ყველაზე პოპულარული მაგალითი იყო, და შემდგომ სხვა კომპანიებმა Resident Evil–ს ფორმულის გამოყენება დაიწყეს, მაგრამ Silent Hill–ი სულ სხვა ხილი იყო, თუ Resident Evil–ში პერსონაჟები ფიზიკურად და სულიერად ძლიერები არიან და იარაღების მრავალფეროვნებაა, Silent Hill–ში ყველაზე ჩვეულებრივ პიროვნებას თამაშობ და ამიტომ უფრო ადვილია საკუთარი თავის წარმოდგენა პერსონაჟის ადგილას.

სისტემის შეზღუდულობათა დასაფარავად შემქმნელებმა უხვად გამოიყენეს ნისლი და სიბნელე, რაც თამაშის ატმოსფეროზე დადეფითად იმოქმედა. Silent Hill-მა კრიტიკული და კომერციული წარმატება მოიპოვა. არსებობს Silent Hill-ის რამდენიმე ადაპტაცია, მათ შორისაა: 2001 წლის ვიზუალური ნოველა Silent Hill: Play Novel, 2006 წლის ფილმი საილენთ ჰილი და 2009 წლის Silent Hill: Shattered Memories, რომელიც თამაშის ერთგვარი რიმეიკია.


sh2_logo_01_rgb

220px-silent_hill_2

Silent Hill 2 გამოვიდა 2001 წელს. PS2, XboX და PC–ზე.

 სიუჟეტი აქაც გამოგონილ ამერიკულ ქალაქ საილენთ ჰილში ვითარდება, Silent Hill 2–ს, პირველ თამაშსთან არანაირი შეხება არ აქვს. მთავარი გმირი ჯეიმს სანდერლენდი თავისი გარდაცვლილი ცოლისგან (მერი) წერილს მიიღებს, რომელშიც წერია, რომ ის მას საილენთ ჰილში, მათ „განსაკუთრებულ ადგილას“ უცდის. ქალაქში ჯეიმსი მარიას შეხვდება, რომელიც გარეგნულად მეტად ჰგავს მერის და მასთან ერთად განაგრძობს ცოლის ძებნას. თავის მოგზაურობაში ის უნდა გაუძლოს იმ დაპირისპირებებს რაც ბოროტი ქალაქი უმზადებს და გაიგოს თუ რა დაემართა თავის ცოლს. 

წინა თამაშთან შედარებით მოთამაშეს აქ უფრო მეტი ჰუმანოიდი ურჩხული ხვდება, რომელთა გარეგნობა ჯეიმსის ქვეცნობიერის ანარეკლს წარმოადგენს. თამაშში რეალურ ისტორიულ ფაქტებზე, ფილმებსა და ლიტერატურულ ნაწარმოებებზე მინიშნებების პოვნაცაა შესაძლებელი.

ეს ყველაზე პოპულარული თამაშია ტრილოგიიდან.

807a84ee01d889caf6da64f4ceeaba1c66f6f788_hq

source


silent_hill_3

silent-hill-3 Silent Hill 3 გამოვიდა 2003 წელს, PS2 და Pc–ზე.

სიუჟეტი, პირველი Silent Hill-ის მოვლენებიდან ჩვიდმეტი წლის შემდეგ ვითარდება. Heather Mason სავაჭრო ცენტრში გაიღვიძებს. მას დეტექტივი დუგლას კარტლანდი მიუახლოვდება და ეტყვის, რომ მისი დაბადების შესახებ რაღაც ინფორმაციას ფლობს. Heather მას გაეცლება და საპირფარეშოში შევა, შემდგომ აღმოაჩენს, რომ ირგვლივ ურჩხულების გარდა არავინაა. იგი საილენთ ჰილის კულტის წევრს  კლაუდია ვულფს შეხვდება, რომელიც „სამოთხისა“ და Heather-ს მისიის შესახებ დაიწყებს ლაპარაკს.

Silent Hill 3-ის საუნდტრეკი, რომლის კომპოზიტორი აკირა იამაოკაა, იაპონიაში 2003 წლის 16 ივლისს, ჩრდილოეთ ამერიკაში კი 2003 წლის 6 აგვისტოს გამოვიდა. წინა თამაშების საუნდტრეკებისგან განსხვავებით, მასში სიმღერები ჭარბობს, რომელთა უმეტესობა მერი ელიზაბეთ მაკგლინის მიერაა შესრულებული.

Silent Hill 3 კრიტიკოსებმა ძირითადად დადებითად შეაფასეს. მათ მოეწონათ თამაშის გარემო, გრაფიკა, მუსიკა, გახმოვანება და ჰორორის ელემენტები

giphy

Heather Mason

valtielvalve


sh4_art_logo_01

51sqw5mh4pl-_sy445_

Silent Hill 4 გამოვიდა PS2, Xbox და Windows.

წინა თამაშებისგან განსხვავებით, Silent Hill 4-ის სიუჟეტი გამოგონილ ამერიკულ ქალაქ საუს ეშფილდში ვითარდება. თამაშის გმირია ჰენრი ტაუნშენდი, რომელიც ერთ დღეს აღმოაჩენს, რომ საკუთარ ბინაშია ჩაკეტილი. იქიდან თავის დასაღწევად იგი რამდენიმე ზებუნებრივ სამყაროში იმოგზაურებს და უკვდავ სერიულ მკვლელს დაუპირისპირდება.

როგორც უკვე ვიცით, თამაშების სიუჟეტი სულ Silent Hill–ში ხდება მაგრამ მეოთხე ნაწილი სულ სხვა ხილია, ხანდახან, ტრილოგიის “თეთრ ყვავს” უწოდებენ, კიდევაც.  ასევე ცნობილი როგორც “The Room” , სიუჟეტი სხვა ქალაქში, ან ასე ვთქვათ, კორპუსის ბინაში ხდება, მთავარი გმირი ჟურნალისტია, მას უნდა დაეწერა და უნდა დარჩენილიყო კვირით მაგ ქალაქში , ისე მოხდა რომ მთავარი გმირი ჩაიკეტება ბინაში იმის შემდეგ , როგორც კი მას დაესიზმრა ვიღაცის  სიკვდილი ამ ოთახში. სიზმარში ოთახი ჩაკეტილი იყო შიგნიდან ჯაჭვებით და დიდი ბოქლომებით , გმირს გაეღვიძა,  კარებთან  როგორც კი მივა გმირი გაიგებს რომ ოთახში ჩაიკეტა, ზუსტად ისევე როგორც სიზმარში ნახა ,მაგრამ არ იცის რატომ და ვინ. ოთახში შეიძლება იპოვო წერილები, ან კართან იყოს სტუმარი და დაინახო მეზობლები თუ როგორ ცხოვრობენ , მაგრამ ყველაზე საშინელება ის არის რომ რამდენიც არ უნდა იყვირო ან დააბრახუნო, თითქოს მოჩვენება, არ ესმით შენი და ვერც ხედავენ ვერაფერ უცნაურს. ცოტა ხანში, ტვალეტის კედელში  “ხვრელი” აღმოჩნდება , და ჰენრის ინტერესში შედის, ჰენრი შიგ შეძვრება და მიტოვებულ მეტროში ამოყოფს თავს. სრულიად ასე იწყება თამაში, მოგზაურობა მეტრო სადგურში, გროტესკულ არსებებთან ბრძოლა და მეგობრების გადარჩენა.

IGN-ის მიმომხილველმა დუგლას პერიმ თამაშის PS2-ისა და Xbox-ის ვერსიებს 8.0 დაუწერა. პერის თქმით, თამაში „არც ბრწყინვალეა და არც საშინელი“. იგი უკმაყოფილო დარჩა ბოსების არარსებობითა და გართულებული გამოცანებით. პერის აზრით, „თავად ოთახი კარგი მოფიქრებაა“, თუმცა მას არ მოეწონა ის, რომ მოთამაშეს გამუდმებით იქ უხდებოდა დაბრუნება. მან ასევე განაცხადა: „თუმცა ყოველი კლასიკური მიდგომა, რაც სერიებში ასე ნაცნობი და დიდებული გახდა, დაბრუნდა, ისინი ერთდროულად იქცა კლიშედ.

 

twineileengiphy1

რეტროპანკი/RetroPunk #3

ვაგრძელებ ჩვენს რეტრო–ესთეტიკურ რუბრიკას


Snatcher/სნაიპერი

6532714

იაპონური ყდა

ცნობილი იაპონელი ვიდეო თამაშების პროდიუსერი “Hideo Kojima”ს ადრინდელი კიბერპანკ შედევრი. თამაშის სიუჟეტი გვიყვება დეტექტივზე სახელად “Gillian Seed”, მას დაავალეს რომ გამოიძიოს ბიოროიდების სპეციფიური ჯიში, ე.წ “სნაიპერები” რომლებიც ადამიანებს კლავენ და ცხოვრებაში მათ ადგილს იკავებენ. თამაშის პირველად გამოსვლისას, 1988 წელს, ძალიან დადებითად შეაფასეს კრიტიკოსებმა. მოგვიანებით Sega CD, Sega Saturn და Playstation პორტებიც გამოვიდა.

giphy

tumblr_ngrf6yelbf1r7sijxo1_500


Appleseed EX/ვაშლის თესლი

pa-67717-001

თამაში მანგაზეა დაფუძნებული. 22ე საუკუნეში, მესამე მსოფლიო ომის შემდეგ დედამიწის ნახევარი განადგურებულია. უძლიერეს ქვეყნებს, დიდ ბრიტანეთს, აშშ–ს და ჩინეთს უჭირთ ძალაუფლების შენარჩუნება და ამიტომ როლში შემოდიან მსოფლიო ორგანიზაციები, “Sacred Republic of Munma” და “Poseidon”.

მთავარი პერსონაჟები, “Deunan Knute და Briareos Hecatonchires, ლოს ანჯელესის პოლიციის დეპარტამენტში მუშაობენ, მაგრამ ყველაფერი შეიცვლება როდესაც მათ მსოფლიოს ყველაზე ძლიერ  ქალაქ–სახელმწიფოში, სახელად “Olympus”ში დაპატიჟებენ. თამაში გამოვიდა 2007 წელს,  მხოლოდ იაპონიაში, PlayStation 2–ზე.

appleseedex_title


Project Eden/პროექტი ედენი

ps2_project_eden-110214მომავალში, გადამეტდასახლებულობის გამო, მთელ მსოფლიოში მეგა–ქალაქებს აშენებენ, ისეთი მაღალი შენობებით რომ ერთმანეთთან ხიდებით აკავშირებენ. ამ მეგა ქალაქებში ყველაზე დაბალი ფენა დაბლა ცხოვრობს, სადაც მზის სინათლე სუფთა ჰაერი ვერ აღწევს. შენს ჯგუფს დაავალეს გამოიძიონ ქარხანა სადაც მუშები გააგზავნეს ტექნიკური პრობლემების მოსაგვარებლად მაგრამ უკვალოდ გაუჩინარდნენ.

თამაში გამოვიდა 2001 წელს, PC და PS2–ზე.

393264-project-eden-windows-screenshot-fps-mode-tends-to-make-combat

 

ტრანსჰუმანიზმი: ახალი ხანა თუ ბოლო ჟამი

transhumanism

ტრანსჰუმანიზმი ძალიან საინტერესო ფილოსოფიური კონცეფცია და პოლიტიკური მოძრაბოაა. ძირითადი არსი მდგომარეობს იმაში რომ მეცნიერული და ტექნოლოგიური მიღწევები გამოყენებულიქნას ადამიანის ბიოლოგიის გასაუმჯობესებლად , ფიზიკური და მენტალური შესაძლებლობების დახვეწვა რომ ადამიანს აღარ ჰქონდეს ისეთი არასასურველი ასპექტები, როგორიცაა ტანჯვა, დააავადებები, დაბერება და საბოლოოდ სიკვდილიც.

სანამ იმაზე დავიწყებთ საუბარს თუ დეტალურად რას გვთავაზობს ტრანსჰუმანიზმი და რა არის მისი კარგი და ცუდი მხარე, ცოტათი ისტორიას გადავხედოთ.

ტრანსჰუმანიზმი როგორც ფილოსოფიური და მეცნიერული იდეა ჩამოყალიბდა წინა საუკუნის პირველ ნახევარში, მისი ფუნდამენტური იდეები ჩამოაყალიბა ბრიტანელმა გენეტიკოსმა ჯონ ბერდონ სარდენსონ ჰოლდეინმა, 1923 წელს თავის წიგნში “დედალუსი: ან, მეცნიერება და მომავალი“. წიგნში ასევე აღნიშნა ისეთი მეცნიერული სფეროები როგორიცაა “ევგენიკა

brave_new_world

პირველი გამოცემის ყდა (1932)

და “ექტოგენეზისი” რომლებსაც შეუძლიათ ადამიანის გენების გაუმჯობესება. მეორე მსოფლიო ომამდე ევგენიკას იკვლედნენ მაგრამ ომის შემდეგ ის სუფთა “ნაცისტურ მეცნიერებად” ჩათვალეს. ლიტერატურულ სამყაროში აღსანიშნავია ოლდოს ჰაქსლის [ცნობილი ევგენიკის “ჯულიან ჰაქსლის” ძმა]  “საოცარი ახალი სამყარო“. მოქმედება შორეულ მომავალში, ქალაქ ლონდონში ხდება. მთელი დედამიწის მოსახლეობა ერთიან დისტოპიურ საზოგადოებაში ცხოვრობს სადაც გენეტიკური მანიპულაციით საზოგადოებას მენტალურ და ფიზიკური საშუალებებით ყოფენ.

ასევე აღსანიშნავია 1983 წელს დაწერილი “ტრანსჰუმანისტური მანიფესტი”.

ტრანსჰუმანიზმის აღზევება იწყება 80–იან წლებში კიბერპანკთან ერთად, მაგრამ მხოლოდ 1998 წელს, ფილოსოფოსებმა “ნიკ ბოსტრომმა” და “დევიდ

ტრანსჰუმანიზმილოგო

humanity+ ლოგო

პირსმა” დაარსეს არაკომერციული ორგანიზაცია “მსოფლიო ტრანსჰუმანისტთა ასოციაცია” ან კიდევ ცნობილი როგორც “Humanity+” და პირველ “ტრანსჰუმანისტურ დეკლარაციაზე” მოაწერეს ხელი.

ტრანსჰუმანიზმი მთლად არ არის დამოკიდებული  ეკონომიკური სისტემის ტიპზე, აქ უფრო დიდი საკითხია თუ რას მოუტანს ტექნოლოგია პიროვნებას, დღესდღეობით საშუალო ფენის წარმომადგენელი განვითარებული ქვეყნიდან უფრო “უკეთესად” ცხოვრობს ვიდრე ნებისმიერი მეფე ხუთასი წლის წინ, მეფეს შეიძლება მთელი ორკესტრა ჰქონოდა მაგრამ შენ გაქ აუდიო ფლეიერი რომელიც ნებისმიერ დროს მსოფლიოს საუკეთესო მუსიკას შეგიძლია მოუსმინო, როცა მეფეს პნეუნომია სჭირდა ის კვდებოდა მაგრამ შენ შეგიძლია ანტიბიოტიკი იყიდო. მეფეს ათობით ცხენი ჰქავდა მაგრამ შენ 1 მანქანა გყავს რომელიც უფრო სწრაფი და კომფორტულია. შენ უფრო თავისუფალი წვდომა გაქ ინფორმაციასთან, უფრო მეტი იცი სამყაროზე, შეგიძლია ნებისმიერ წუთას დაურეკო ახლობელს რომელიც მსოფლიოს მეორე მხარეს იმყოფება, შენ უფრო განვითარებული ხარ ვიდრე ნებისმიერი შუასაუკუნოვანი მონარქი.

ტექნოლოგიის დადებითი მხარე არის ის რომ დროთა განმავლობაში იაფდება და ღარიბისთვის ხელმისაწვდომი ხდება, ადრე მობილური კავშირი მხოლოდ ელიტისთვის იყო ხელმისაწვდომი, ახლა აფრიკის ღარიბ რეგიონებში აქვთ მსოფლიო ქსელთან კავშირი. ამიტომ ტექნოლოგიას ბევრი დადებითი ასპექტი აქვს მაგრამ მაინც შეიძლება საზოგადოებრივი უთანასწორობა გამოიწვიოს. მაგალითად, ავიღოთ რამე ინტელექტის გამაძლიერებელი იმპლანტანტი, პირველად რომ გამოვა მსოფლიო ბაზარზე შეიძლება ისეთი ძვირი იყოს რომ მხოლოდ მდიდრებს შეეძლოთ მისი შეძენა რაც იმას გამოიწვევს რომ ელიტის წარმომადგენლებს უფრო მაღალი ინტელექტი და ზეგავლენა ექნებათ , იგივე მოხდება თუ ისეთი ტექნოლოგია გვექნება რომ ბავშვის გენეტიკური შეცდომების გასწორება [ევგენიკა] შესაძლებელი გახდეს, ეს ძალიან სახიფათოა ყველაზე ღარიბი ფენისთვის რადგან მათ არ აქვთ ეს სტიმულატორები და დროთა განმავლობაში “დაბალ რასად” ჩათვლიან.

ტრანსჰუმანისტები ბიოტექნოლოგიაზეც საუბრობენ. გენმოდიფიცირებული საკვების გაუმჯობესება შიმშილის აღმოფხვრაში დაეხმარება, მაგრამ გმო პროდუქტების მასობრივი წარმოება ბუნებრივი პროდუქტების მარკეტს გაანადგურებს რაც პატარა ფერმერებს შემოსავალს ჩაუკეტავს, საქმე იმაშია რომ გმო პროდუქტების მასობრივი წარმოება უფრო იაფია და ცუდ პირობებშიც უფრო სწრაფად იზრდება, წარმოიდგინეთ უკიდურესად ღარიბ სოფლის მოსახლეობას როგორ დაეხმარება.

საიდუმლო არარის რომ ტრანსჰუმანისტები ოცნებობენ უკვდავებაზე, ან ვის არ უნდა?. მათი აზრით ყველაფერი ინდივიდზეა დამოკიდებული, გინდა თუ არა სამუდამო ცხოვრება ან როგორ და როდის გინდა რომ დაასრულო ცხოვრება. დღესდღეობით მეცნიერები უკვე ეძებენ გზას რომ ადამიანს სიცოცხლე გაუხანგძლივონ მაგრამ უკვდავება ეს სხვა საკითხია. უკვდავების ელექსირი შეიძლება არ იყოს ყველასთვის ხელმისაწვდომი, ეს დედამიწის მოსახლეობის ზრდას გამოიწვეს და საბოლოოდ გადამეტდასახლებულობასაც. მხოლოდ ელიტისთვის, ყველაზე მნიშვნელოვან ხალხისთვის იქნება ეგ ხელმისაწვდომი.

ტრანსჰუმანიზმი არის ინტელექტუალური და კულტურული მოძრაობა რომელსაც სურს ტექნოლოგიების გამოყენებით სიკვდილი დაამარცხოს. როდესაც კაცობრიობა თვითონ ეძებს გამოსავალს თუ როგორ გადალახოს სირთულეები და შექმნას მიწიერი სამოთხე, ღმერთის არსებობას აზრი ეკარგება, ამიტომ ტრანსჰუმანისტები უმეტესად ათეისტები ან გნოსტიკები არიან მაგრამ არსებობს გამონაკლისიც.
“მორმონ ტრანსჰუმანისტთა ასოციაცია” [Mormon Transhumanist Association] არის ორგანიზაცია რომელიც დაარსდა 2006 წელს. მათ სურთ ტექნოლოგიის და რელიგიის

31cfd11e2d7d2f505f31e3f570529916

ეთიკური გამოყენება რომ ადამიანმა თავისი სულიერი შესაძლებლობები გაზარდოს. მორმონიზმი არის ქრისტიანობის მორიგი განშტოება [რომელსაც ხშირად აკრიტიკებამ თავისი სპეციფიკის გამო] ხოლო ტრანსჰუმანიზმი არის მეცნიერული იდეოლოგია. ასოციაცია არ თვლის საკუთარ თავს რელიგიურ ორგანიზაციათ და საერთოდ თვლიან რომ მორმონიზმს და ტრანსჰუმანიზმს ბევრი საერთო აქვთ.

transhuman1

დღეს რა ტექნოლოგიაც გვაქვს ასი წლის წინ წარმოუდგენელი იქნებოდა, ხოლო ათასი წლის წინ ჯადოქრობად ჩათვლიდნენ. წინ კიდევ უამრავი აღმოჩენა გველოდება რაც კაცობრიობას საშუალებას მისცემს რომ საკუთარი არასრულყოფილება დაამარცხოს და უმაღლეს არსებათ გადააქციოს.

 

რეტროპანკი/RetroPunk #2

ვაგრძელებთ ჩვენს რეტრო–ესთეტიკურ რუბრიკას, თუ წინა პოსტი არ გაქვთ წაკითხული, გირჩევთ რომ მაქედან დაიწყოთ.

DreamWeb/სიზმრის ქსელი

hqdefault1

ეს საკმაოდ ბნელი თამაშია, შენ თამაშობ “Ryan”–ს, ყოფილი ბარმენი რომელსაც მოლანდებები სჭირს, მას ელანდება რაღაც მისტიური ადგილი სახელად “სიზმრის ქსელი” სადაც ბერები ცხოვრობენ, ამ ბერებმა ჩვენს გმირს დაავალეს შვიდი კაცის მოკვლა, წინააღმდეგ შემთხვევაში მსოფლიოს განადგურება დაემუქრება.

dreamweb-4

თამაში სავსეა ძალადობითა და სექსით, Ryan–ი ხშირად ეკითხება საკუთარ თავს, არის თუარა ეს სწორი? ჭკუიდან ხომ არ შევიშალე?..  შენ გწამს რომ სამყაროს გადარჩენას ცდილობ და ამისათვის სასტიკ მკვლელობებს ჩადიხარ.

dreamweb-6

თამაში 2 პლატფორმაზე გამოვიდა, Amiga-სა და DOS–ზე, ერთადერთი განსხვავება არის Soundtrack–ებში. DOS–ვერსია უფრო მდიდარია და რაღაც აუდიო დიალოგიც გააჩნია, თამაში აიკრძალა ავსტრალიაში.

თამაში მხოლოდ 6MB–ია ზომით.


Oni/ონი

151117-oni_usa-11

“ონი” იყო შექმნილი კომპანია “Bungie”–ს მიერ 2001 წელს, სხვათაშორის ეს ის კომპანიაა რომელმაც Halo–ს და Destiny–ის ტრილოგიები შექმნა. თამაში “მოჩვენება ჯავშანში”ს მიერ იყო ინსპირირებული…

მოქმედება 2032 წელს ხდება, დედამიწის უდიდესი ნაწილი დაბინძურებულია და მსოფლიო ეკონომიკური კრიზისის მოსაგვარებლად ქვეყნები ერთიან ტოტალიტარულ სახელმწიფოდ გაერთიანდნენ და პოლიციასა და ტექნოლოგიებს იყენებენ ოპოზიციის ჩასახშობათ. შენ თამაშობ “კანოკოს” რომელიც ანტი–კრიმინალურ დაჯგუფებაში მუშაობს მაგრამ თამაშის შემდგომ შენ კომპანიას და თვით მთავრობას აუჯანყდები რომ შენი წარსულის მოგონებები დაიბრუნო.

თამაში გამოვიდა PC–ზე, ხოლო Playstation 2–ის პორტი Rockstar–მა შექმნა. თამაშის გაგრძელება იგეგმებოდა, სახელად: Oni 2: Death & Taxes მაგრამ უცნობი მიზეზების გამო შეჩერდა.


LSD:Dream Emulator/ელესდი: სიზმრის ემულატორი

img60740007

არ შემეძლო ამაზე არ დამეწერა, ერთერთ ყველაზე უცნაურ PsOne თამაშზე. თვითონ თამაშის სახელიც უცნობია, LSD ყველას თავიდან ჰგონია რომ ეს ნარკოტიკებთანაა დაკავშირებული, ისიც რომ გავითვალისწინოთ რომ თამაშიც ფსიქედელურია, მაგრამ სხვადასხვა წყაროებში სხვადასხვა ნაირად წერია. ოფიციალურ საიტზე ეწერა “”Link Speed Dream””, სიზმრის ჟურნალში Lovely Sweet Dream”, SoundTrack–ის დისკზე “Lucy in the Sky with Dynamites” და ა.შ.

თამაში დაფუძნებულია “სიზმრის ჟურნალზე”. იაპონელი ხელოვანი “ჰიროკო ნიშიკავა” 10 წლის განმავლობაში წერდა თავის “სიზრმის დღიურს” შემდგომ “ოსამუ სატომ” აიღო ეს დღიური და მის მიხედვით შექმნა ეს თამაში. თვით თამასში შენ სიზმრებში მოგზაურობ, თითო სიზმარი 10 წუთი გრძელდება და ობიექტებთან შეხებისას სხვა სიზმრის სამყაროში გადადიხარ.

lsd-dream-emulator-11

“ოსამუ სატო” უმეტესწილად მუსიკოსი და მხატვარი, სიზმრის ემულატორამდე ჰქონდა რამოდენიმე თამაში შექმნილი [ამაზე არანაკლებ უცნაური].

LSD Dream Emulator–ზე ის ვიცით რომ სიზმრის ჟურნალის მიხედვით არის შექმნილი მაგრამ ამით არ მთავრდება შეკითხვები, თამასში ხანდახან ერთი პერსონაჟი ჩნდება სახელად “Grey Man”, მამაკაცი შავ ტანისამოსში და როცა მოთამაშეს უახლოვდება, სიზმარი წყდება. ყველაზე ლოგიკური ვარაუდით, Grey Man არის ნიშიკავას კოშმარი ან რომ ჩავუღრმავდეთ, მისი მტკივნეული მოგონებების სიმბოლო. უფრო გიჟური ვარაუდით, Grey man არის უცხოპლანეტელი, ხოლო მთელი ეს სიზმრები უბრალოდ ემულაციაა, უცხოპლანეტელების მიერ შექმნილი, ამ ვარაუდს ამტკიცებს ის რომ თამაშის საწყის მენიუში უცხოპლანეტელების სახეებია, Cutscene–ებში მფრინავი თეფშებია ხოლო ერთერთ სცენაში დაფრინავ და მაღლიდან უყურებ ქალაქს.

Lsd_017

Grey Man, Kyoto–ში

თამაში მხოლოდ იაპონიაში გამოვიდა, 1998 წლის 22 ოქტომბერს, იყო შექმნილი კომპანია Asmik Ace–ის მიერ. იაპონიის გარეთ უცნობი იყო სანამ 2010 წელს თამაში PlayStation Network–ზე არ გამოსულა და მსოფლიოსთვის ხელმისაწვდომი გახდა, მის მერე ძალიან ბევრი Gameplay აიტვირთა Youtube–ზე.

მაგრამ ისტორია ასე არ მთავრდება, შეიძლება ითქვას რომ დღემდე გრძლედება, 2011 წელს ერთერთმა ფანმა, თამაშის Remake–ზე დაიწყო მუშაობა, სახელად LSD Revamped, დეველოპმენტი დღემდე გრძელდება. ფინელი Youtuber–ი 98DEMAKE–მა ამ წელს Teaser–ი გამოუშვა PSOne სტილის ფსიქედელურ თამაშზე სახელად “Bvoid“.

სიზმრის ჟურნალის PDF ვერსია

რეტროპანკი/RetroPunk #1

Crash Bandicoot, GTA San Andreas, Vice City, Mortal Kombat და უამრავი სხვა, ეს ის თამაშებია რასაც უმეტესად ვთამაშობდით ბავშვობაში და დღეს ნოსტალგიით ვიხსენებთ. პერსონალური კომპიუტერის და კონსოლების თამაშების კატალოგი უდიდესია, მაგრამ მხოლოდ ერთი ორი გვახსოვს. უიშვიათეს და დიდი ხნის წინ დავიწყებული თამაშები, დღეს თითქოს ოკეანის სიბნელიდან ამოყვინთეს. ამისათვის მადლობა უნდა გადავუხადოთ Night Dive Studio–ს, ლეგენდარული კიბერპანკ თამაში “System shock” და მისი გაგრძელების “System Shock 2” დაბრუნებისთვის, და ასევე “I Have No Mouth, and I Must Scream”.

მაგრამ ამ რუბრიკაში მათზე არ ვისაუბრებ რადგან ზედმეტად პოპულარული გახდა, ჩვენ ვისაუბრებთ დღემდე იშვიათ და საკმაოდ საინტერესო სპეციფიკურ თამაშებზე.

Hellnight/ჯოჯოხეთური ღამე

Hellnight-Box-Art

HellNight (ასევე ცნობილი როგორც: Dark Messiah ダークメサイア Dākumesaia) არის იაპონური Survival Horror თამაში, შექმნილია კომპანია “Atlus”ის მიერ, 1998 წელს.

მოქმედება იაპონიაში ხდება, ტოკიო მეგაპოლისად გადაიქცა, ძალიან გრძელი მიწისქვეშა ტუნელებითა და კანალიზაციის სისტემით. თამაში იწყება მთავარი გმირით, შუა ღამეს მას საიდუმლო კულტის წევრები მოსდევენ და ბოლოს მეტროთი გაიქცევა, მას წარმოდგენა არ აქვს თუ რატომ უნდოდათ მისი გატაცება.

ამავე დროს, საიდუმლო ლაბორატორიიდან სიმბიოზური არსება გაიქცა, მალევე ის მუტაციას განიცდის და მეტროში ხალხს თავს ესხმის [სადაც ჩვენი გმირი იმყოფება].
ჩვენი გმირი ამ უცნაურ არსებას გაექცევა, სკოლის მოსწავლესთან “Naomi Sugiura”–სთან[რომელსაც ექსტრასენსორული ნიჭი აქვს] ერთად ცდილობენ გასასვლელი იპოვონ, ამ უსასრულო ტუნელებში იპოვიან ადგილს სახელად “The Mesh”, მანდ საზოგადოების ყველაზე მდაბიო ხალხი ცხოვრობს, ბევრი მათგანი კრიმინალია და ზედაპირზე არ ადიან.

თამაში სავსეა თავსატეხებით, ოკულტიზმით და მთლად კიბერპანკი არარი მაგრამ მაინც მსგავს გრძნობებს ტოვებს. tumblr_osl5ltznhf1roqda3o1_500

tumblr_oslfl9m9uc1roqda3o1_1280

გრაფიკით ეს თამაში არ გამოირჩევა, იმას არ ვგულისხმობ რომ რადგან პირველი PlayStationის თამაშია უნდა შევაფასოთ თანამედროვე სტანდარტებით, არა! უბრალოდ მაგ დროს, PS1–ს გრაფიკულად უკეთესი თამაშები ჰქონდა. 1998 წელს იაპონიაში გამოვიდა, ხოლო 1999 წლის დეკემბერს ევროპაში მაგრამ მაინც ამ თამაშზე ინფორმაციის პოვნა რთულია და გამოშვებისას ბევრი დისკი არ გამოუშვეს გაყიდვაზე [ეტყობა თავიდანვე იცოდნენ რომ დაბალი გაყიდვები ექნებოდა].

მაგრამ ამაშია მისი სილამაზე, ის ფაქტი რომ მცირე ბიუჯეტით ოკულტ თამაში შექმნეს, ამითია HellNight უნიკალური. ბნელი და სერი ფერების მიწისქვეშა ტუნელები და ქალაქი, ძალიან მარტივი 3D მოდელები, ბნელი ემბიენთი და ყველაფერთან ერთად, ეს საშინელებათა ატმოსფერო.

s-l1600


Hell: A Cyberpunk Thriller/ჯოჯოხეთი: კიბერპანკ თრილერი

hell

ესეც მორიგი “ჯოჯოხეთური” თამაში ოღონდ Playstation–ზე არა, ეს თამაში MS-DOS კომპიუტერებზე, 3DO–ზე [კონსოლი] და Macintosh-ზე გამოვიდა. წინა თამაშისგან განსხვავებით, ეს Point And Clicker–ია, ეს იმას ნიშნავს რომ ლოკაციებზე გადაადგილება და ობიექტებზე ზემოქმედება ხდება მაუსის მიყვანით და “კლიკით”.

მოქმედება 2095 წელს ხდება, დისტოპიურ მომავალში, ამერიკას ფაშისტურ თეოკრატიული მთავრობა მართავს სახელად “Hand of God” [ღმერთის ხელი]. ეს მთავრობა ყველაზე საშიშ კრიმინალებს “ჯოჯოხეთში” უშვებს… დიახ, ჯოჯოხეთის პორტალი გახსნეს, ჰმმმ..!

hell-14-480x360

ვთამაშობთ 2 გმირს, “გიდეონ ეშანტი” და “რეიჩელ ბრაქის”. ორივე სამართალდამცავ ორგანოში მუშაობს და ანტი–სახელმწიფო საქმეებში მოღვაწე ჰაკერებს იჭერენ მაგრამ ყველაფერი შეიცვალა როცა ერთ ღამეს პოლიცია შეუვარდებათ, იმ ბრალდებით რაც არ დაუშავებიათ, ჩვენი გმირები ამ პოლიციელებს გაექცევიან და აქედან იწყება ეს გრძელი და გიჟური მოგზაურობა. “დემონი მაფიოზები”, მოგზაურობა ჯოჯოხეთში და სავსე თავსატეხები. მარა რაც მთავარია სავსეა კიბერპანკ ელემენტებით.

hell-18-480x360

თამაშის მიხედვით ერთი წლის შემდეგ წიგნი გამოვიდა, იგივე სახელით. ამერიკელი სამეცნიერო ფანტასტიკის ავტორის “ჩეტ უილიამსონის” მიერ იყო დაწერილი.


Ghost In The Shell/მოჩვენება ჯავშანში

220px-ghost_in_the_shell_coverart

არ შემეძლო პოსტის დადება ამ თამაშის გარეშე. მგონი ყველამ ვიცით მოჩვენება ჯავშანში, ხო? [ფილმს არ ვგულისხმობ, არ მომეწონა]  მოჩვენება ჯავშანში ერთერთ ყველაზე საუკეთესო ანიმე ტრილოგიას უწოდებენ, რომელიც დღემდე გრძელდება. პირველი თამაში PS1–ზე გამოვიდა 1997 წელს იგივე სახელწოდებით, 3D Shooter–ის სტილში. “მასამუნე შირო“, რომელიც მოჩვენება ჯაშვანის ორიგინალური მანგის ავტორი იყო, ამ თამაშის სიუჟეტის და დიზაინის ავტორიც გახლდათ [ორიგინალური მანგა “ცოტათი” განსხვავდება ანიმესგან 🙂].

maxresdefault (2)

მთელი თამაში შენ აკონტროლებ ე.წ “Fuchikoma”–ს, [რობოტი–ობობა] და მოწინააღმდეგებს ანადგურებ. სტანდარტული 3D თამაშია მაგრამ საკმაოდ კარგი. ვფიქრობ ამის თამაში ძალიან სასიამოვნო იქნება [წარმატებას გისურვებთ მის გაშვებაში, ამ თამაშს ემულაცია არ უყვარს].

w98w3qy

დიახ, ეს თამაშის ერთერთი Cutscene არის