ჯონი მნემონიკი/Johnny Mnemonic

johnny-mnemonic-15909

ცნობილი მწერლის “William Gibson”–ის რომანის მიხედვით გადაღებული ფილმი სადაც მთავარ როლებს ისეთი მსახიობები ასრულებენ როგორებიც არიან “კიანუ რივსი” (ჯონი) და “დინა მეიერი” (ჯეინი), და ასევე “დოლფ ლუნდგრენი” (ქუჩის ქადაგი).

მოქმედება მომავალში ხდება როდესაც კომპიუტერული ტექნოლოგია და ინტერნეტი განვითარდა იმ დონეზე რომ ახალი სახის კონტრაბანდა წარმოიშვა, ტვინის მეხსიერების ნაწილის წაშლა და მის მაგივრად სხვა ინფორმაციის ჩატვირთვა და შემდგომ მისი უკანონო ტრანსპორტირება. ასეთ კონტრაბანდისტებს “მნემონიკებს” უწოდებენ და “ჯონი” ერთერთი მათგანია, და შემდგომ ისე მოხდა რომ ერთერთი ოპერაციის შესრულების დროს მის ტვინში უზარმაზარი ზომის ინფორმაცია ჩატვირთეს, ეს ინფორმაცია არის ე.წ “ნერვული გამოფიტვის სინდრომის” განკურნება, ამ სინდრომით დედამიწის ნახევარი მოსახლეობა იტანჯება. ინფორმაციისთვის ნადირობს იაპონური მაფია და კორპორაცია “ფარმაკომი”, და თუ ჯონი ამ ინფორმაციას მალე არ ამოიღებს ტვინიდან ,გადატვირთულობის გამო დაიღუპება (მასთან ერთად კიდე ინფორმაციაც). მან უნდა იზრუნოს რომ ეს ინფორმაცია ცუდ ხელში არ მოხვდეს.

უილიამ გიბსონი, Cyberpunk–ის მამათ წოდებული კანადელი მწერალი რომელმაც დიდი წარმატება მიაღწია თავისი პირველი ბესტსელერით “ნეირომანტი” (Neuromancer) 1984 წელს, ხოლო სამი წლით ადრე მოკლე ისტორია გამოსცა სახელად “ჯონი მნემონიკი”, ფილმისთვის კი მან თვითონ დაწერა სცენარი

რაც ფილმს შეეხება, ის იყო გამოშვებული 1995 წელს, რეჟისორი “რობერტ ლონგოს” მიერ. ფილმი ითვლება Cyberpunk–ის ჟანრის კლასიკური ნაწარმოებათ,და მასში არის დემონსტრირებული დისტოპიური ტექნოლოგიური მსოფლიო რაც ჟანრისთვის ძალიან ტიპიურია, სადაც ძალა კორპორაციების ხელშია და გავრცელებული ინფორმაციული ტექნოლოგიები კომბინირებულია დაბალი დონის ცხოვრებასთან და კრიმინალთან.

 

რა არის OceanGrunge ?

a0447560498_10

თუ ჩემი წინა პოსტი გაქვთ წაკითხული, უფრო ნათელი წარმოდგენა გექნებათ თუ ამჯერად რას წარმოადგენს OceanGrunge-ი.

OceanGrunge–ი არის ელექტრონული მუსიკის ქვეჟანრი რომელიც 2014 წელს დაიბადა, ჟანრზე გავლენა იქონია ადრინდელმა Vaporwave–მა, ასევე Dark Ambient, Metal და Grunge მუსიკებმაც, მუსიკა პოპულარული მაშინ გახდა როდესაც ჟანრის ადრინდელმა პიონერებმა პირველი ალბომები გამოუშვეს, პიონერები როგორებიც არიან “§E▲ ▓F D▓G§” და “Poseidon in Chains”

მუსიკისთვის და საერთოდ OceanGrunge–თვის ძლიერი შთაგონება მოახდინა გერმანელი ფილოსოფოსის “ფრიდრიხ ნიცშეს” ნამუშევრებმა, ჟანრის მუსიკა თითქოს გადმოსცემს ნიჰილისტურ ფილოსოფიას, უღმერთობის, მარტოობის, უპერსპექტივობის, უიმედობის გრძნობას.

Oceangrunge–ი ეს არის Vaporwave–ის სუბჟანრი, უბრალოდ ჩამოყალიბების ადრინდელ სტადიაშია და შემსრულებლებიც ჯერ კიდევ ცოტანი არიან მაგრამ ყოველი მათგანი მნიშვნელოვანია. მაგრამ იმედი მაქ რომ ერთი რამე უცვლელი დარჩება, ეს უნიკალური ხმა რომელიც შინაგან განგაშს იწვევს, მარადიულ და შიშის მომგვრელ ზღვაში.

OceanGrunge კატალოგი

Bandcamp

Reddit